środa, 24 czerwca 2020

Czarownica abò kòń

Witches' Hat Luncheon | Akron Woman's City Club

Do jednégò pana przëszedł jeden parobk, ten béł wieldżi i mòcny. Ale òd te czasu, że òn do te pana przëszedł, òn béł pòrene, czej òn òdeckł, wiedno zmòkłi i béł zmiarti. Tej òn szedł do pasturza a mù pòwiedzôł, jak to mù szło. Ten pasturz rzekł: "Pò prôwdze jedna czarownica brëkùje ce za kònia. Czej të so do spaniô pòłożisz tej sã strzeż, co të nie zaspisz. Tej czej ta czarownica przińdze i tobie chce tã ùzdã włożëc, tej òpasuj dobrze a wezni tã ùzdã précz a włoż jã ti czarownicë. Tej òna bãdze za kònia a të bãdzesz òd ti biédë strzeżony.

Czej ten parobk do spaniô szedł, òn zrobił tak, jakbë òn spôł, i jak ta czarownica przëszła, òn ji wzął tã ùzdã précz i pòjął niã. Tej sã stała ta czarownica kòbłą i ten parobk so sôdł na niã i jachôł do kòwôla i dôł jã pòdkùc. Tej òn jachôł nazôd i òdjął ji tã ùzdã i zarô zdżinãła ta kòbła.

Na pòrénkù ta białka te pana bëła chòrô i nie chca wstac. Ten pón pòwiedzôł to temù parobkòwi i òn rzekł, òn mù miôł tã białkã pòkôzac, tej òn mù chcôł rzec, co ni felowało. Tej ten pón szedł z tim parobkem do ti białczi i ten parobk wzął tã pierzënã précz, tej òna bëła pòdkùt na rãkach i nogach. Ten parobk pòwiedzôł temù panowi, co sã òb noc stało, i ta białka bëła za czarownicã spôlonô.

Powyższy tekst to opowiadanie Zeszytu II Tekstów pomorskich w zmienionej pisowni, które zostało przekazane przez 14-latka z Szarloty Gminie Przodkowo.

Brak komentarzy:

Publikowanie komentarza